Ambasadori Takada Mitsuyuki dhe ministrja Ogerta Manastirliu

Manastirliu firmos marrëveshjen e bashkëpunimit me ambasadorin Japonez: Do të financojë blerjen e pajisjeve mjekësore

5 Shkurt 2021, 11:10| Përditesimi: 5 Shkurt 2021, 11:17

  • Share

Një marrëveshje bashkëpunimi është nënshkruar midis Ministrisë së Shëndetësisë dhe ambasadorit të ri të Japonisë në Tiranë Takada Mitsuyuki, me fokus rritjen e kapaciteteve spitalore.

Lajmin e ka bërë me dije në një postim në mediet sociale ministrja e Shëndetësisë dhe Mbrojtjes Sociale, Ogerta Manastirliu, e cila nënvizon se marrëveshja e bashkëpunimit përfshin financimin për blerjen e pajisjeve mjekësore, apo mirëmbajtjen e tyre.

Gjithashtu në marrëveshje është parashikuar që të ofrohen shërbime trajnimi, këshillimi dhe shërbime të tjera të nevojshme në fushën e shëndetësisë dhe mbrojtjes sociale.

Marrëveshja e re është në vijim të bashkëpunimit mes dy qeverive, e cila ka pasur fokus në mbështetjen e shërbimit shëndetësor për fëmijët dhe në pajisje mjekësore të teknologjisë së lartë.

'E kënaqur që me ambasadorin e ri të Japonisë në Tiranë, Z. Takada Mitsuyuki firmosëm marrëveshjen e bashkëpunimit, që thellon mbështetjen e qeverisë Japozene për shëndetësinë dhe mbrojtjen sociale në Shqipëri, për të rritur kapacitetet dhe për të çuar një hap përpara cilësinë e shërbimit për qytetarët, me investimin në pajisje të teknologjisë së lartë'- shkruan ministrja.

M.Q./ReportTv.al
Komento
  • Sondazhi i ditës:

    Pronat shtetërore mund të shkëmbehen me private, si e vlerësoni ligjin?