Malësi e Madhe – Policia ka arrestuar një 29-vjeçar, si dhe ka shpallur në kërkim kushëririn e këtij të fundit pasi akuzohen se përmes një llogarie në rrjetin social “Instagram” mashtronin qytetarët për automjete me qira.
29-vjeçari i identifikuar me inicialet O.K., u vu në prangat e policisë pasi dekonspirimit të skemës së skemës së mashtrimit të të riut nga një emision investigativ.
Blutë bëjnë me dije se ky person mashtronte qytetarët në bashkëpunim me kushëririn e tij të identifikuar me inicialet A.K., 29 vjeç, i cili është shpallur në kërkim.
“Nga veprimet hetimore dhe procedurale është identifikuar dhe arrestuar shtetasi O. K., 29 vjeç, si dhe është shpallur në kërkim kushëriri i tij, shtetasi A. K., 29 vjeç, të dy banues në Koplik”,-njofton policia.
Këta persona iu merrnin para qytetarëve, pasi i mashtronin se do t’iu jepnin me qira, automjete që kishin reklamuar në faqen e tyre në “Instagram”. Sapo merrnin paratë, shtetasit ndërpritnin komunikimin me klientët, pa ofruar shërbimin për të cilin ishin paguar.
K.M/ReportTv.al