Një aksident me pasojë plagosjen e një personi ka ndodhur mëngjesin e sotëm në Tiranë.
Një makinë është përplasur me një motor saktësisht në zonën e '9-katësheve'.
Siç shihet në pamjet e siguruara nga Report Tv, qytetarët po i japin ndihmën e parë të plagosurit i cili drejtonte motorin.
Shkak i aksidentit dyshohet të jetë bërë një parakalim i gabuar ndërsa vijojnë hetimet nga autoritetet.
Njoftimi i Policisë
Më datë 11.01.2022, në rrugën e "Barrikadave", mjeti me drejtues shtetasin K. B., ka aksidentuar motomjetin me drejtues shtetasin A. B., 43 vjeç.
Si pasojë e aksidentit shtetasi A. B., është dëmtuar dhe ndodhet në spital, nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanava të aksidentit.
