Një aksident i rëndë është shënuar gjatë paradites së sotme në qendër të Shëngjinit, ku një fëmijë 6 vjeç është përplasur nga një furgon teksa po kalonte rrugën dhe si pasojë ka humbur jetën.
Fëmija ka qenë i shoqëruar nga familjarët por një moment i keq, bëri që të shkëputej dhe të goditej fatalisht nga një furgon, drejtuesi i të cilit , Sh.P është shoqëruar në Komisariatin e Policisë Lezhë, për veprime të mëtejshme.
Të thyejnë zemrë pamjet e rrugës pas aksidentit, pasi gjithçka që mbeti ishin vetëm lodrat e fëmijës.
Fillimisht fëmija është transportuar në spital për shërbimin e nevojshëm shëndetësor por fatkeqësisht nuk arriti t’i mbijetonte plagëve të marra dhe ka ndërruar jetë në spital.
Grupi hetimor në vendngjarje po punon për sqarimin e plotë të shkakut dhe rrethanave të ngjarjes.
