Makarona me salcë dhe sallam të thatë nga zonja Albana

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00. 

11 Tetor 2022, 11:55| Përditesimi: 11 Tetor 2022, 11:56

  • Share

Makarona me salcë dhe sallam të thatë

Përbërësit:

  • 1 pako makarona
  • 1 qepë e grirë
  • 1 thelpi hudhër
  • 1 spec i kuq
  • 200 gr sallam i thatë (kabanos special)
  • 100 gr djathë kaçkavall
  • Salcë domate
  • Kripë, piper

Përgatitja:

Fillimisht kaurdisim qepën e grirë imët. Sapo qepa të bëhet transparente shtojmë sallamin e thatë të prerë në feta. Vazhdojmë kaurdisjen duke shtuar më pas një thelpi hudhër të shtypur dhe një spec të kuq të prerë imët. Shtojmë salcën e domates dhe makaronat të cilat i kaurdisim bashkë me përbërësit e tjerë për pak minuta. Më pas shtojmë ujë të ngrohtë në masë të përbërësve dhe i lëmë makaronat derisa të gatuhen plotësisht. E servirim me pak djathë kaçkavall të grirë.

 

MC/ReportTv.al
Komento
  • Sondazhi i ditës:

    Sipas jush për kë do të votonte diaspora?