MADRID - Ministri i Jashtëm Igli Hasani u takua ditën e sotme me homologun spanjoll Jose Manuel Albares.
Në një postim në rrjetin social X, Hasani ka ndarë disa momente nga takimi përmbyllës i vizitës së tij në Spanjë.
Hasani shkruan se u diskutuan tema dypalëshe për dialogun politik dhe ku Akademitë Diplomatike të Spanjës dhe Shqipërisë firmosën një Memorandum Mirëkuptimi.
'Duke e mbyllur vizitën time zyrtare në Spanjë me një takim konstruktiv me homologun tim @jmalbares.
Ne riafirmuam lidhjet tona të forta dypalëshe, diskutuam përparimin në dialogun politik dhe u fokusuam në shfrytëzimin e mundësive të reja në sektorët e turizmit, energjisë dhe mbrojtjes.
Memorandumi i Mirëkuptimit i nënshkruar sot ndërmjet Akademive tona Diplomatike do të forcojë komunikimin dhe bashkëpunimin e drejtpërdrejtë ndërmjet shërbimeve tona diplomatike.
Falënderoj Spanjën dhe Ministrin Albares për mbështetjen e tyre të zëshme për integrimin në BE të Shqipërisë dhe Ballkanit Perëndimor.'
Me këtë takim Hasani ka përmbyllur vizitën e tij në Spanjë. Më herët ai u takua me një grup studentësh ndërkombëtar që kanë zgjedhur Shqipërinë për të vijuar programet e tyre të studimit.
Wrapping up my official visit to Spain with a constructive meeting with my counterpart @jmalbares.
— Igli Hasani (@IgliHasani) March 15, 2024
We reaffirmed our strong bilateral ties, discussed progress in political dialogue, and focused on tapping into new opportunities in the tourism, energy, and defense sectors.… pic.twitter.com/WZGxkqnaxZ
G.K/ReportTv.al
