Lushnjë - Një 31-vjeçar është arrestuar nga policia e Lushnjës pasi akuzohet se ka vjedhur një shumë parash në një pikë karburanti, nën kërcënimin e armës.
31-vjeçari i identifikuar me inicialet F.B., kishte hyrë i maskuar në pikën e karburantit më një armë gjahu duke kërcënuar punonjësit për t’i dorëzuar paratë.
Autori është vënë në pranga pas disa orësh ndjekje nga ana e policisë, në kuadër të operacionit “How it ends”.
Blutë bëjnë me dije se në cilësinë e provës materiale janë sekuestruar arma e gjahut që ka përdorur autori për të kryer vjedhjen, automjeti që kishte marrë me qira, veshjet që ka mbajtur gjatë vjedhjes, një sasi lënde e dyshuar narkotike heroinë dhe një peshore elektronike.
Ndër të tjera, policia njofton se 31-vjeçari, ka precedent të mëparshëm në fushën e narkotikëve.
K.M/ReportTv.al