Britania e Madhe ka realizuar një operacion të suksesshëm evakuimi për shtetasit e saj në Sudan. Ministri i Jashtëm britanik, Andreë Mitchell tha se nuk mund të linin shtetasit e tyre në Sudan në rrethana kaq të rrezikshme.
“Ne nuk mund të qëndrojmë atje përgjithmonë në rrethana kaq të rrezikshme”, tha ministri i Jashtëm Andreë Mitchell.
Një armëpushim 72-orësh u prish të shtunën, me fraksione të armatosura që nisën betejën e tyre për kryeqytetin.
Bombarduesit dhe artileria e rëndë kanë në shënjestër pjesë të Khartoum, ndërsa ushtria sudaneze pretendoi se po sulmonte qytetin në të gjitha drejtimet në përpjekje për të dëbuar Forcat e Mbështetjes së Shpejtë paraushtarake.
Dhjetëra mijëra njerëz janë larguar nga vendi që nga luftimet që përfshiu Sudanin dy javë më parë.
Numri i të vdekurve mendohet të jetë shumë më i lartë se shifra më e fundit zyrtare prej 459 dhe Kombet e Bashkuara kanë frikë se qindra mijëra mund të zhvendosen nëse konflikti vazhdon.
Ish-kryeministri i Sudanit ka paralajmëruar se konflikti mund të bëhet më i keq se ai në Siri dhe Libi.
Vende të tjera kanë evakuuar menjëherë qytetarët e tyre, ndërsa disa janë larguar përmes rrugëve jozyrtare me varkë dhe autobus.
Të shtunën në mbrëmje qeveria amerikane tha se kishte përfunduar shpëtimin e parë të qytetarëve të saj. Shtetasit amerikanë dhe banorët e përhershëm ishin dërguar me autokolonë në Port Sudan dhe po kalonin Detin e Kuq me varkë për në Jeddah në Arabinë Saudite.
B.V//ReportTv.al