Shkatërrime në Odesa

Lufta në Ukrainë/ Tjetër sulm rus me raketa në Odesa, tre persona humbin jetën

1 Maj, 08:24| Përditesimi: 1 Maj, 12:24

  • Share

Tre persona humbën jetën dhe tre të tjerë u plagosën gjatë natës në një sulm me raketa ruse në qytetin e Odesës, në jug të Ukrainës.

Oleg Kiper, kreu i administratës ushtarake rajonale, njoftoi në Telegram se ‘ka dëme në civilë dhe në infrastrukturë’.

Sipas disa kanaleve lokale Telegram, sulmi u nis nga territori i Krimesë së pushtuar.

Ndërsa një ditë më parë një tjetër sulm rus me raketa vrau pesë persona në Odesa, i cili është një port jetik për eksportet e Ukrainës në Detin e Zi dhe vazhdimisht është vënë në qendër të sulmeve ruse me raketa dhe dron.

Ora 12:21
Raketa ruse vret dy persona në rajonin e Kharkiv

Rusia ka sulmuar rajonin Kharkiv të Ukrainës verilindore me bomba të drejtuara ditën e sotme, duke vrarë të paktën dy persona dhe duke plagosur dy të tjerë.

Kjo u raportua nga guvernatori rajonal Oleh Syniehubov.

Dy personat humbën jetën kur një makinë u përplas në fshatin Zolochiv, ku u godit edhe një shtëpi private.

 Ndërkohë që dhe dhjetra banesa të tjera në Kharkiv u dëmtuan gjithashtu, por sulmi nuk shkaktoi viktima. Rajoni i Kharkiv ka qenë nën bombardime intensive që nga fillimi i pranverës, me forcat ruse që sulmojnë vazhdimisht infrastrukturën civile dhe energjetike.

G.K/ReportTv.al
Komento
  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?