Katari ka njoftuar arritjen e marrëveshjes mes Izraelit dhe Hamasit për dërgimin e ndihmave për civilët në Gaza në këmbim të ilaçeve për pengjet izraelite.
Qeveria gjermane ka rënë dakord në parim që të dërgojë tanke në Izrael për të mbështetur vendin në luftën kundër Hamas, shkruan e përjavshmja Der Spiegel.
Ministri i Jashtëm i Arabisë Saudite tha të martën se mbretëria mund të njohë Izraelin nëse arrihet një marrëveshje gjithëpërfshirëse, që do të përfshinte krijimin e një shteti palestinez.
Qeveria gjermane ka rënë dakord në parim që të dërgojë tanke në Izrael për të mbështetur vendin në luftën kundër Hamas, shkruan e përjavshmja Der Spiegel.
Një anije tregtare në pronësi greke u godit nga një raketë nga rebelët Houthi në Jemen, rreth 100 milje detare në veriperëndim të qytetit të Salif në provincën e Hodeidah, tha firma britanike e sigurisë detare Ambrey.
“Një anije mallrash me flamur maltez, në pronësi greke, u shënjestrua dhe u godit nga një raketë gjatë tranzitit në Detin e Kuq jugor në drejtim të veriut,” tha Ambrey.
Korpusi i Gardës Revolucionare Islamike (IRGC) njoftoi të hënën në mbrëmje se kishte lëshuar breshëri raketash balistike kundër bazave siriane të terroristëve të përfshirë në sulmet e fundit në Iran. Kjo është raportuar nga faqja e internetit e transmetuesit iranian në gjuhën angleze Press TV.
Sipas Gardës Revolucionare, vendet e takimit të komandantëve dhe njerëzve kryesorë të sulmeve të fundit terroriste në qytetet iraniane Kerman dhe Rask u goditën.
Garda Revolucionare iraniane ka pretenduar se ka "shënjestruar dhe shkatërruar një nga selitë kryesore të spiunazhit të regjimit sionist (Mossad) në rajonin Kurdistan të Irakut" në sulmin "raketë balistike" në Erbil në Irakun verior. Këtë e ka bërë të ditur agjencia iraniane Fars.
Sipas deklaratës, objektivi ishte “qendra për zhvillimin e operacioneve të spiunazhit dhe planifikimin e aksioneve terroriste në rajon dhe veçanërisht në vendin tonë të dashur”. Operacionet sulmuese do të vazhdojnë deri në hakmarrjen e pikave të fundit të gjakut të dëshmorëve”, përfundon deklarata.
Katari ka njoftuar arritjen e marrëveshjes mes Izraelit dhe Hamasit për dërgimin e ndihmave për civilët në Gaza në këmbim të ilaçeve për pengjet izraelite.
Ministri i Jashtëm i Arabisë Saudite, Princi Faisal bin Farhan Al Saud
Ministri i Jashtëm i Arabisë Saudite tha të martën se mbretëria mund të njohë Izraelin nëse arrihet një marrëveshje gjithëpërfshirëse, që do të përfshinte krijimin e një shteti palestinez.
"Ne jemi dakord që paqja rajonale përfshin paqe për Izraelin, por kjo mund të ndodhë vetëm përmes paqes për palestinezët, përmes një shteti palestinez," tha gjatë fjalës së tij, Princi Faisal bin Farhan, në Forumin Ekonomik Botëror në Davos të Zvicrës.
I pyetur nëse Arabia Saudite do ta njihte më pas Izraelin si pjesë të një marrëveshjeje më të gjerë politike, ai u përgjigj: "Sigurisht".
Pas fillimit të luftës, tetorin e kaluar, mes Izraelit dhe grupit militant palestinez Hamas që drejton Gazën, Arabia Saudite “ngriu” planet e mbështetura nga Shtetet e Bashkuara, që mbretëria të normalizonte lidhjet me Izraelin, duke rishikuar me shpejtësi përparësitë diplomatike, thanë dy burime që kanë njohuri mbi qëndrimin e Riadit.
Dy burimet i thanë agjencisë së lajmeve Reuters se do të ketë vonesa në bisedimet e mbështetura nga Shtetet e Bashkuara për normalizimin e marrëdhënieve mes Arabisë Saudite dhe Izraelit, që shihet si një hap kyç, për të arritur atë që kërkon në këmbim mbretëria saudite, një marrëveshje mbrojtjeje me Shtetet e Bashkuara.
Para 7 tetorit, kur luftëtarët e Hamasit të mbështetur nga Irani ndërmorrën sulmin në Izraelin jugor, udhëheqësit izraelitë dhe sauditë kishin sinjalizuar se po shënonin përparime të qëndrueshme drejt vendosjes së marrëdhënieve diplomatike, që mund të kishin ndryshuar Lindjen e Mesme./ VOA
Qeveria gjermane ka rënë dakord në parim që të dërgojë tanke në Izrael për të mbështetur vendin në luftën kundër Hamas, shkruan e përjavshmja Der Spiegel.
Nëntorin e vitit 2023, Berlini mori një kërkesë për të furnizuar ushtrinë izraelite me rreth 10,000 predha 120 milimetërshe.
Pas marrëveshjes në parim, tani po punohet për zbatimin e saj, thotë Der Spiegel.
Për shkak se industria nuk është në gjendje të furnizojë menjëherë municionet e dëshiruar, ajo po shqyrton nëse Bundesëehr-i, ose ushtria gjermane, do t'i japë fillimisht municionet nga stoku i saj.
Në këtë mënyrë, kërkesa e Izraelit mund të përmbushet shpejt.
"60% e banesave dhe infrastrukturës është shkatërruar, si një vend i pabanueshëm, ndërsa Izraeli vazhdon të ruajë objektivin e tij ushtarak për të shkatërruar Hamasin. Tani nevojitet një pauzë humanitare.
Situata po përkeqësohet çdo ditë e më shumë. me 85% të popullsisë të zhvendosur, shpesh duke jetuar jashtë dhe duke u përballur me rrezikun e urisë dhe sëmundjeve”, është shprehur ditën e sotme komisioneri evropian për menaxhimin e krizave, Janez Lenarçiq, në debatin plenar në Parlamentin Evropian për situatën në Gaza.
Foto nga sekuestrimi i armëve iraniane
Shefat e Përbashkët të Shtabit të SHBA-së, përgjegjës për rajonin e Lindjes së Mesme (CENTCOM, “Komanda Qendrore”) thanë në një deklaratë të lëshuar sot se sekuestruan armë iraniane të destinuara për Houthi më 11 janar.
Ishte konfiskimi i parë I armëve vdekjeprurëse të prodhimit iranian për Houthi që kur filluan sulmet ndaj anijeve tregtare në nëntor, thuhet në deklaratë.
Armët e sekuestruara përfshijnë raketa balistike të prodhuara nga Irani dhe komponentë të raketave të lundrimit.
“Analizat fillestare tregojnë se të njëjtat armë janë përdorur nga Houthi për të kërcënuar dhe sulmuar marinarët e pafajshëm në anijet tregtare ndërkombëtare që kalojnë tranzit në Detin e Kuq”, tha Komanda Qendrore e SHBA.
American Central Command:
— Krista ????????????️???????? (@KLewieCepero) January 16, 2024
On January 11th we took over an Iranian weapons ship destined to reach the #Houthis in #Yemen.
This is the first weapons ship captured since the beginning of the Houthi attacks on shipping lanes last November.
Two American Navy Seals, who participated… pic.twitter.com/qCG8XwyVcf
Princi Faisal Bin Farhan Al Saud
Ministri i Jashtëm i Arabisë Saudite tha se sulmet e Houthis ndaj anijeve tregtare në Detin e Kuq janë si pasojë e luftës në Gaza.
Ai bëri gjithashtu thirrje për armëpushim të menjëhershëm.
Princi Faisal Bin Farhan Al Saud, duke folur në një samit të Forumit Ekonomik Botëror në Davos, theksoi se prioriteti për vendin e tij është të gjejë një rrugë për de-përshkallëzimin përmes një armëpushimi në Gaza.
Yahya Sinwar
BE-ja ka sanksionuar liderin e Hamasit, Yahya Sinwar dhe e ka shtuar gjithashtu në listën e terroristëve. Si rezultat, fondet dhe asetet financiare do të ngrihen nga të gjitha vendet anëtare të BE-së.
“Këshilli vendosi sot të shtojë një individ në listën terroriste të BE-së. Ky vendim vjen si pjesë e përgjigjes së BE-së ndaj kërcënimit të paraqitur nga Hamasi dhe sulmeve të tij terroriste brutale dhe pa dallim në Izrael më 7 tetor 2023. Këto sanksione do të futen në fuqi nga sot”, thuhet në deklaratë.
David Cameron
Sekretari i Jashtëm britanik, David Cameron, në emër të "Mbretërisë së Bashkuar dënon sulmet e mbrëmshme të regjimit iranian në Erbil".
Në një postim në Twitter, Cameron shkroi se "këto veprime të paprovokuara dhe të pajustifikuara përbëjnë një shkelje të papranueshme të sovranitetit dhe integritetit territorial të Irakut. Mendimet tona janë me familjet e viktimave".
Foto nga Gaza pas bombardimeve izraelite
Izraeli sulmoi ditën e sotme dhjetëra objektiva të Hezbollahut në Wadi Saluki, në Libanin jugor, me avionë luftarakë dhe artileri.
Këtë e ka raportuar radioja ushtarake dhe radioja publike Kan, sipas së cilës ky është një sulm veçanërisht i rëndësishëm.
Ditën e djeshme komandanti i rajonit ushtarak të Veriut, gjenerali Ori Gordin, vizitoi trupat e stacionuara në kufirin me Libanin dhe tha:
"Ne jemi vazhdimisht të angazhuar në eliminimin dhe reduktimin e aftësive sulmuese të Hezbollahut dhe shtyrjen e tyre më tej në veri".
Një anije tregtare e cila është në pronësi të Greqisë, u godit nga një raketë në Jemen, rreth 100 milje detare në veriperëndim të qytetit të Salif në provincën e Hodeidah.
Kështu deklaroi firma britanike e sigurisë detare Ambrey.
“Një anije mallrash me flamur maltez, në pronësi greke, u shënjestrua dhe u godit nga një raketë gjatë tranzitit në Detin e Kuq jugor në drejtim të veriut", tha Ambrey.
Foto nga Gaza
Ushtria izraelite ka arrestuar 27 persona në Bregun Perëndimor të dyshuar për përfshirje në akte terroriste.
Kështu deklaroi zëdhënësi ushtarak, sipas të cilit 2 prej tyre u arrestuan pas marrjes në pyetje të dhjetëra personave në fshatin Bnei Naim, afër Hebronit, prej nga erdhën sulmuesit të cilët dje në Raanana, jo shumë larg Tel Avivit, provokuan vdekja e një gruaje të moshuar dhe plagosja e 17 personave të tjerë duke përfshirë fëmijë.
Ushtarët më pas "hartëzuan" për shkatërrim shtëpinë në Ramallah të një palestinezi që ishte përgjegjës për sulmin ndaj vendbanimit hebre Ofra në Bregun Perëndimor javën e kaluar.
Sipas të njëjtit burim, "dhjetëra të dyshuar janë marrë në pyetje në fshatin Idhna, gjithashtu afër Hebronit, nga ku 3 militantët palestinezë, të cilët u vranë më vonë, u larguan dhe tentuan të kryejnë një sulm duke u infiltruar në vendbanimin hebre.
Sipas të dhënave të raportuara nga media që nga fillimi i luftës me Gazën rreth 2700 "të dyshuar për terrorizëm" janë arrestuar në të gjithë Bregun Perëndimor dhe prej tyre rreth 1300 janë të lidhur me Hamasin.
Foto nga Gaza pas bombardimeve izraelite
Numri i palestinezëve që janë vrarë në Rripin e Gazës që nga fillimi i ofensivës izraelite është rritur në 24,285.
Kjo është raportuar nga Ministria e Shëndetësisë e enklavës, e drejtuar nga Hamasi.
Të paktën 61.154 persona u plagosën. Në 24 orët e fundit, autoritetet lokale thonë se 158 palestinezë janë vrarë dhe 320 janë plagosur.
Foto nga Gaza pas bombardimeve izraelite
Ministri i Jashtëm i Katarit, Sheikh Mohamed Abdulrahman Al Thani mbajti një fjalim në Forumin e Davos në Zvicër.
Lidhur me konfliktin Izrael-Palestinë, ai u shpreh se nuk ka asnjë formulë magjike për t’u kthyer në atë që ishte para 7 tetorit pa një zgjidhje reale, zgjidhjen me dy shtete.
“Përfundimi i luftës, lirimi i pengjeve dhe të burgosurve palestinezë, si dhe përkeqësimi i situatës në Bregun Perëndimor të pushtuar duhet të adresohen shpejt. Pushtimi i Bregut Perëndimor nga Izraeli është po aq i keq sa pushtimi i Gazës dhe nuk ka asnjë reagim të vërtetë nga komuniteti ndërkombëtar për ta zgjidhur atë. Ka politikanë që besojnë se situata në Gaza mund të injorohet dhe përgjigja globale ndaj luftës është jashtëzakonisht zhgënjyese për vendet e Lindjes së Mesme”, tha Al Thani.
Foto nga Gaza pas bombardimeve izaelite
Më shumë se 50 raketa u lëshuan sot nga Rripi i Gazës në qytetin Netivot në jug të Izraelit, sipas autoriteteve lokale. Sipas informacioneve, nuk ka të lënduar.
Sulmi ndaj Netivot është sulmi më i madh me raketa nga Gaza ndaj Izraelit në javët e fundit.
Ndërkohë në një deklaratë ditën e sotme, Programi Botëror i Ushqimit (WFP), UNICEF, Organizata Botërore e Shëndetësisë (OBSH) dhe Agjencia e OKB-së për Ndihmën dhe Punën për Refugjatët Palestinë në Lindjen e Afërt (UNRWA) theksuan se ndihmat që dërgohen në popullin e Gazës janë të pakta dhe se nuk mund të parandalojnë urinë, kequshqyerjen apo sëmundjet.
Foto nga sulmi iranian në Irak
“Gjatë sulmit të Gardës Revolucionare të Iranit në Hawler (Erbil), të paktën 5 civilë, duke përfshirë një foshnjë 11-muajshe, humbën jetën dhe shumë fëmijë të tjerë u plagosën".
Kështu shkroi në X (ish-Twitter) OJQ-ja me seli në Norvegji, “Hengaw”.
Mbrëmjen e djeshme Pasdaran deklaroi se ata kishin "shënjestruar dhe shkatërruar një nga selitë kryesore të spiunazhit të regjimit sionist (Mossad) në rajonin Kurdistan të Irakut" në një bastisje me "raketa balistike" në Erbil, në Irakun verior.
Foo nga sulmi ndaj Erbilit
Ne e dënojmë fuqishëm “agresionin” në Erbil si një “sulm ndaj sovranitetit tonë”. Kështu thotë Ministria e Jashtme e Irakut, duke iu referuar sulmeve me raketa të marra nga Garda Revolucionare iraniane gjatë natës.
Sulmi iranian në Erbil kishte në shënjestër zona të banuara dhe shkaktoi viktima civile, shton Ministria e Jashtme në Bagdad.
“Ne do të marrim masa ligjore kundër agresionit në Erbil, duke përfshirë apelimin në Këshillin e Sigurimit”, tha Iraku.
Yoav Gallant
Luftimet intensive të forcave të armatosura izraelite kundër grupit militant Hamas në veri të Rripit të Gazës do të përfundojë së shpejti. Kështu njoftoi ministria izraelite e Mbrojtjes.
“Faza intensive e ofensivës tokësore në jug të enklavës bregdetare në zonën e qytetit Khan Younis do të përfundojë së shpejti”, tha ministri izraelit i Mbrojtjes, Yoav Gallant.
Ai tha se në fund të kësaj lufte nuk do të ketë asnjë kërcënim ushtarak nga Gaza.
“Në fund të luftës, nuk do të ketë asnjë kërcënim ushtarak nga Gaza. Hamasi nuk do të jetë në gjendje të kontrollojë dhe të funksionojë si një forcë ushtarake në Rripin e Gazës, dhe IDF do të ketë liri të plotë veprimi për të bërë gjithçka që është e nevojshme për të mbrojtur qytetarët e Izraelit. Mund të duhet shumë kohë, por do të përfundojë me fitore totale”, tha Gallant.
Mes të tjerash ai shtoi se periudha e luftimeve do të përfundojë së shpejti.
“Edhe pse periudha e luftimeve intensive do të përfundojë së shpejti, forcat e armatosura duhet të vazhdojnë presionin ushtarak për të siguruar lirimin e pengjeve të mbetura izraelite në Gaza. Nëse ka një armëpushim, fati i pengjeve do të vuloset për shumë vite në robërinë e Hamasit”, tha Gallant.
Në anë tjetër, presioni ndërkombëtar po rritet vazhdimisht ndaj Izraelit për të zvogëluar intensitetin e sulmeve dhe për të parandaluar viktima masive civile gjatë sulmeve në Rripin e Gazës. Uashingtoni i ka bërë thirrje Izraelit të kalojë nga bombardimet e rënda në sulme më të shënjestruara kundër grupit militant Hamas.
Antonio Guterres
"Raportet e dhunës seksuale të kryera nga Hamasi dhe të tjerët më 7 tetor duhet të hetohen dhe ndiqen me rigorozitet", shkroi Sekretari i Përgjithshëm i Kombeve të Bashkuara Antonio Guterres në llogarinë e tij X.
"Asgjë nuk mund të justifikojë vrasjen, plagosjen dhe rrëmbimin e qëllimshëm të civilëve. Asgjë nuk mund të justifikojë gjuajtjen me raketa ndaj objektivave civile", shkroi Guterres në një postim.
Komente
Izraeli,eshte nje shtet fasist.Ai nuk ndryshon shume nga Gjermania e rajhut te trete.Kushdo qe e perkrah eshte thjesht nje vegel ne doren e tyre.Genocidi qe po ben kundrejt palestinezeve nuk ndryshon nga Holokausti.
PërgjigjuO njerez te paskrupullt qe u ka blere izraeli dhe amerika , nuk keni turp qe flisni per dhune sekauale kur ne Gaza po kryhet nje genocid nje masaker e vertete kundra femijeve te pambrojtur
Përgjigju