Sipas tij, rilindja e ka shkelur parimin për të mos kapur drejtësinë dhe ligjet e reformës i bën vetë tani. Më tej, ai shton se një natë më parë rilindja ndryshoi totalisht edhe përmbajtjen e titullin e ligjeve që ekspertët përgatitën.
"Lu dhe Vllahutin ç'prisni (?), reforma ne drejtësi u kap nga Rilindja, askush nuk beson më te ajo. Rilindja rrëzon përfundimisht reformën në drejtësi. Edhe shqiptari më i fundit nuk ka harruar se u garantuan publikisht nga ambasadorët Lu dhe Vllahutin, se ligjet e reformës ne drejtësi do t'i bënin ekspertët dhe do të vinin për miratim pa ndryshime në parlament. U vendos kështu, me qenë se ekspertët ishin të pavarur, të mbështetur nga Euralius, OPDAT dhe Komisioni i Venecias, që të mos lejohej politika që të kapte drejtësinë.
Por, Rilindja e shkeli dhe e shtypi këtë parim.Tani ligjet e reformës i bën totalisht Rilindja, madje mbrëmë i ndryshoi totalisht edhe përmbajtjen edhe titullin ligjeve që ekspertët përgatitën; ashtu siç bënë edhe me vetingun dy javë më parë, ku i shkurtuan edhe njerëzit edhe paratë. Reforma në drejtësi ra. Parimet e reformës dhe grupi i ekspertëve me Euralius dhe Opdat u asgjësuan. Reforma u kap nga Rilindja ditën për diell. Lu dhe Vlahutin, reagoni! Ç'prisni!? Zhgënjimi popullor është i madh. Askush nuk beson më tek reforma në drejtësi", shkruan Vasili.
(Postimi i Petrit Vasilit)
d.c./shqiptarja.com