Flamuri i Gjermanisë

'Lokomotiva' e ekonomisë së Evropës me përparim të ngadaltë në zbatimin e sanksioneve kundër oligarkëve rusë

4 Mars 2023, 17:04| Përditesimi: 4 Mars 2023, 17:07

  • Share

Gjermania po bën përparim të ngadaltë në zbatimin e sanksioneve kundër oligarkëve dhe institucioneve ruse, sipas të dhënave qeverisë të parë, shkruan Reuters.

Gjermania ka ngrirë rreth 5.25 miliardë euro (5.57 miliardë dollarë) asete që u përkasin oligarkëve të sanksionuar që nga pushtimi rus në Ukrainë, sipas ministrisë gjermane të financave. Shifra ishte 4.28 miliardë euro gjashtë muaj më parë.

Ministria ndau këtë informacion në përgjigje të një kërkese të anëtarit të parlamentit gjerman Christian Goerke.

"Që nga dhjetori, vetëm 200 milionë euro pasuri të oligarkëve janë ngrirë, dhe për gjysmë viti, vetëm një miliardë. Asnjë oligark i vetëm nuk ka raportuar pasurinë e tij që nga dhjetori," kritikoi Goerke.

Sipas ligjit të sanksioneve të Gjermanisë, oligarkët rusë të cilët janë objektiva të sanksioneve të Bashkimit Evropian duhet të deklarojnë menjëherë pasuritë e tyre, nëtë kundërt do të gjobiten ose dënohen deri në një vit burg.

Tetë oligarkë kanë raportuar 31 pozicione aktive në Bundesbank deri më tani, sipas shifrave të qeverisë. Vlera është rreth 577 milionë euro. Ajo shpërndahet midis gjendjeve të llogarive, zotërimeve të kompanisë dhe letrave me vlerë.

B.V/ReportTv.al
Komento
  • Sondazhi i ditës:

    Si i vlerësoni mesazhet që dha Rama në takimin me diasporën në Athinë?