Atletja shqiptare Luiza Gega është kualifikuar në finalen e 3000 metrave me pengesa në Lojërat Olimpike.
Gega ka shënuar kohen 9:23:85, duke u renditur e pesta në baterinë e dytë, rezultat ky që e kualifikon direkt në finalen e madhe të 4 gushtit.
Ky është një rezultat fantastik pasi për herë të parë Shqipëria kalon në finalen e garave të atletikës në Olimpiadë.
Gega ka përvojë ndërkombëtare, pasi ka fituar medalje të artë e të argjendtë në Lojërat Mesdhetare, medalje argjenti në Europian dhe medalje bronzi në Universiadën e Verës.
Pas kualifikimit të atletes Luiza Gega në finalen e Lojërave Olimpike ka reaguar edhe kryeministri Edi Rama. Përmes një postimi në 'Facebook', Rama përgëzon atleten teksa thekson se është e para shqiptare në të gjithë historinë e sportit tonë që është kualifikuar në finalen e këtyre lojërave.
"Respekt Kampione. Luiza Gega e para shqiptare në histori që kualifikohet në një finale të atletikës në Lojërat Olimpike", shkruan Rama.
Komente
perdundimi: doli e 12 pas nje terheqje muskulare qe pesoj. ne jemi te mbaruar komplet si popull.
Përgjigju