Nga dita e nesërme rregullat e reja për të bërë pazare do të vendosen në të gjitha tregjet e hapura të fruta-perimeve ku ka prezencë të madhe të qytetarëve, për t'u disiplinuar në radhë dhe me maska, doreza e dezifenktim, edhe nga prezenca më e shtuar e policisë në tregjet problematike. Ministri i Brendshëm Sandër Lleshaj inspektoi situatën në tregjet e Lezhës, ku tha se ky qytet ofroi tjetër panoramë nga Shkodra problematike, megjithatë ka ende punë për të bërë në respektimin total të rregullave që frenojnë përhapjen e koronavirusit.
"Në Lezhë ka një pamje krejtësisht tjetër nga ajo në Shkodër. Rregullat e reja i kanë dhënë një pamje tjetër qytetit, megjithatë sado mirë të jetë krahasimisht edhe këtu situata ka nevojë për t'u përmirësuar më tej, dhe mora garancinë e kryetarit të Bashkisë së Lezhës. Duke filluar nga nesër në gjithë vendin do të aplikohen standarde të reja për tregjet ushqimore të hapura me qëllim të ruhet distanca. Gjej rastin t'i apeloj qytearëve të kujdesen në maksimum për vetveten. Fatkeqësisht edhe në Lezhë pati një shpërthim të papritur", tha Lleshaj.
I pyetur nga gazetarët nëse efektivët e policisë në terren janë të pajisur me mjete mbrojtëse, Lleshaj tha se nuk ka mungesa të maskave dhe dorezave.
"Uniformat blu kanë maska dhe doreza. Nëqoftëse keni parë ndonjë që nuk e respekton dhe nuk i qëndron detyrimeve që ka marrë nga eprorët e tij, do të marrim ne masa për të, por në përgjithësi të gjithë punonjësit e policisë janë të pajisur me mjetet mbrojtëse", tha ministri i Punëve të Brendshme.
Ministri i Brendshëm Sandër Lleshaj dhe drejtori i përgjithshëm i policisë së shtetit Ardi Veliu kanë qenë sot në Shkodër për të inspektuar situatën e tregjeve, e cila ka qenë mjaft problematike. Në prononcimin për mediat ministri u shpreh se do të forcohen masat e sigurisë në Shkodër, ndërsa bëri thirrje që qytetarët të bashkëpunojmë me policinë.
Fillimisht Lleshaj pati një bisedë të shkurtër me një nga tregtarët, me këtë të fundit të cilin e pyeti masat. Tregtari u shpreh: "Po i kam marrë masat. Edhe qytetarët kanë mundësi, pasi ka vend."
Për inspektimin në Shkodër vetë ministri deklaroi: "Kemi ardhur për të parë masat e mara nga autoritetet, për zbatimin e atyre masave që kanë të bëjnë për parandalimin e koronavirusit. Jemi në dijeni të gjithë që në Shkodër kemi patur një ecuri negative ditët e fundit, që lidhet me pa përgjeshmërinë. Konstatoj që masat janë të pjesshme. Shoh që në tregjet e hapura ka probleme të mëdha. Shoh që ka më shumë shitës se sa blerës dhe nuk respektohen parametrat minimal të mbrojtës.
U bëj thirrje qytetarëve të Shkodrës që të kenë kujdesin maksimal dhe përgjeshmërinë maksimale për jetën e tyre dhe jetën e tjerëve. Kam folur me shumë njerëz sot gjatë rrugës që më thonë se nuk i vendosim maskat sepse nuk e praktikoj këtë punë. Po maska nuk është një masë për ,mbrojtjen e vetes, por për mbrojtjen e tjerëve. Ne do i thellojmë masat e sigurisë në Shkodër. Policia e Shkodrës vepron dhe do të veprojë në bashkëpunim të ngushtë me qytetarët.
Nuk është koha për të bërë ceromoni. Nuk është koha për të respektuar edhe të vdekurit ashtu siç e meritojnë. Jemi në një kohë anormale, jemi në një kohë të jashtëzakonshme dhe mesazhi im për të gjithë është që të bëjmë maksimumin për ta kapërcyer këtë kohë. Kush s'ka punë të rrijë në shtëpi. Nuk është kohë për të bërë muhabete."
Në fund Lleshaj ftoi edhe gazetarët që përveç maskave të përdorura si masë mbrojtëse të respektojnë edhe distancën e sigurisë gjatë prononcimit për këta të fundit.
Komente
Lezha e ka shefin e komisariatit polic karriere, kryetarin e bashkise me vizion.
Përgjigju