Në seancën plenare të ditës së djeshme, Kryetari i Kuvendit, Gramoz Ruçi, falenderoi 22 drejtuesit e institucioneve të pavarura, të cilët iu përgjigjen thirrjes së tij për përgjysmimin e pagës për tre muaj, në shenjë solidariteti për përballimin e pasojave të pandemisë COVID-19. Z. Ruçi u ridrejtoi thirrjen edhe tetë institucioneve që nuk kanë reaguar ende, duke u treguar etik dhe duke mos i cilësuar nominalisht zyrtarët e lartë që nuk kanë reaguar ende.
Në fakt, deri tani ndaj thirrjes së Kryetarit të Kuvendit, ka pasur tre lloje reagimesh.
Shumica e titullarëve të institucioneve u përgjigjën menjëherë dhe shkuan më tej se thirrja e Kryetarit të Kuvendit.
Në Bankën e Shqipërisë thirrjes iu përgjigjën, përveç Guvernatorit Gent Sejko, anëtarët e Këshillit Mbikëqyrës, administratorët dhe drejtorët e Bankës.
Prokurori i Përgjithshëm Olsian Çela, përveç përgjysmimit të pagës së vet, u bëri thirrje edhe vartësve të tij në Prokurorinë e Përgjithshme dhe prokuroritë e rretheve të bëjnë të njëjtin veprim, si detyrim moral.
Kryetari i Kontrollit të Lartë të Shtetit, Bujar Leskaj, mori vendim për përgjysmimin e pagës deri në fund të vitit 2020.
Kryetarja e Këshillit të Lartë Gjyqësor, Naureda Llagami, përveç anëtarëve të Këshillit, Ilir Toska, Brikena Ukperaj, Dritan Hallunaj, Erjon Muharremaj dhe Fatmira Luli, të cilët u solidarizuan, ua përcolli thirrjen të gjithë gjykatave për t’u solidarizuar në mënyrë vullnetare.
Nga Bordi i Komisionit të Prokurimit Publik, përvec Kryetares Evis Shurdha, u solidarizuan edhe anëtaret Enkeleda Bega, Vilma Zhupaj, Lindita Skeja, Merita Zeqaj.
Nga Bordi i Autoritetit të Mbikëqyrjes Financiare u solidarizuan Kryetari Ervin Mete dhe dy anëtarët, Idlir Gjata dhe Deniz Dërralla.
Nga Autoriteti i Mediave Audioviozive, u solidarizuan Kryetari i Bordit Gentian Sala dhe Zëvendëskryetari Sami Nezaj.
Nga Autoriteti i Komunikimeve Elektronike dhe Postare u solidarizuan të gjithë anëtarët e Këshillit.
Disa drejtues të institucioneve iu përgjigjën thirrjes individualisht. Kështu vepruan Avokatja e Popullit Erinda Ballanca; Këshilli Lartë i Prokurorisë; Inspektori i Lartë i Deklarimit dhe Kontrollit të Pasurive dhe i Konfliktit të Interesit, Shkëlqim Ganaj; Kryetarja e Autoritetit të Konkurrencës Juliana Latifi; Komisionerja për Mbikëqyrjen e Shërbimit Civil, Pranvera Strakosha; Kryetari i Entit Rregullator të Energjisë Elektrike, Petrit Ahmeti; Kryetari i Agjencisë së Sigurimit të Depozitave, Donald Duraj; Drejtuese e komanduar e Institutit të Statistikave, Elsa Dhuli; Inspektori i Lartë i Drejtësisë Artur Metani; Komisioneri për Informimin dhe Mbrojtjen e të Dhënave Besnik Dërvishi; Kryetarja e Autoritetit për të Drejtën e Informimit mbi Dokumentet e ish Sigurimit të Shtetit , Gentjana Sula; Kryretari i Këshillit Drejtues të Radio-Televizionit, Kristaq Traja; Kryetari i Entit Rregullator të Ujrave, Ndriçim Shani.
Por disa drejtues institucionesh, deri ditën e djeshme, nuk kanë vepruar ose Kuvendi i Shqipërisë nuk ka njoftim për reagimin e tyre.
Këto institucione janë: Komisioni Qendror i Zgjedhjeve; Instituti i Studimeve të Krimeve dhe Pasojave të Komunizmit në Shqipëri; Këshilli i Emërimeve në Drejtësi; Komisioneri për Mbrojtjen nga Diskriminimi; Komisioni i Pavarur i Kualifikimit; Kolegji i Posaçëm i Apelimit; SPAK dhe Gjykata Speciale.
Edhe pse Kryetari i Kuvendit, Ruçi, nuk iu drejtua atyre me emër, përmendja e këtij fakti është një kritikë për ta, edhe pse morale. Sepse e tillë ishte edhe thirrja, e cila u drejtohej ndërgjegjes së zyrtarëve të lartë.
G.M./ReportTv.alKomente
Rucit t jane bere ves fleterufete , per kete nuk ka faj vesi del me shpirtin . Kur do vij dita qe te heqim maskat dhe te nxjerin te gjithe fytyren , askush nuk ben bamirsi me inponim . Bamirsat japin dhe kur ska pandemi dhe nuk e bejne publike . Dhe ata qe kane dhene nga presioni politiko shoqeror kane dhene
PërgjigjuSkanda!!! Pse gjysma e pages se ketyre do shpetoje ekonomine? Sikur te kthenin gjysmen e atyre qe kane vjedhur do ishte mire...
PërgjigjuHajde idiotesi hajde. S'behet shteti me gjysmepagash o hunj.
Përgjigju