Thoma Zizi, një efektiv policie, do të përballet nesër me prokurorinë e Dibrës lidhur me akuzën e shpërdorimit të detyrës.
Aktualisht polici është me detyrë i komanduar te Operacioni Forca e Ligjit, por burime të Report Tv bëjnë me dije se çështja e tij nuk ka lidhje me këtë detyrë, por me kohën kur ai ka qenë shef në Mirditë.
Hetimi për policin është kryer nga SHÇBA, e cila më pas edhe e ka arrestuar. Kjo për shkak se nga hetimet ka rezultuar se Zizi ka favorizuar dy persona, duke i liruar kamionin e bllokuar me dru të prerë në mënyrë të paligjshme. Ngjarja raportohet të ketë ndodhur në 2019.
Zizi akuzohet për veprën penale shpërdorim detyre, ndërsa nesër do të mësojë masën.
Ne.k./ReportTv.al
Komento
