KUKËS- Prefekti i qarkut Kukës, Ali Hallaçi është liruar nga detyra. Vendimi është marrë ditën e sotme nga Këshilli i Ministrave. Vendimi mban firmën e kryeministrit Edi Rama. Ndërkohë, kjo detyrë do t’i besohet Albert Halilaj.
Burime nga kampi rozë për Report TV bëjnë të ditur se Ish-drejtor i drejtorisë së tatimeve në Kukës, nga sot prefekt i qarkut do të jetë dhe kandidati i PS-së në zgjedhjet që do të mbahen në Kukës pas shkarkimit të Safet Gjicit, informon gazetari Ermal Qori.
Ish-kryetari i bashkisë së Kukësit, Safet Gjici u arrestua më 24 qershor 2023 pas një video skandali të publikuar teksa ai kryen marrëdhënie intime me një grua brenda zyrës së bashkisë. Kjo e detyroi Gjicin të japë dorëheqje dhe brenda pak orësh edhe shkarkim me vendim qeverie. Arrestimi i Gjicit u bë disa ditë më vonë për korrupsion pasiv, pasi në videon ai shfaqet duke i ofruar mbështetje financiare gruas në fjalë mbi një projekt për strehimin dhe kujdesin ndaj qenve endacakë në qytet.
“Në mbështetje të neneve 100 e 114 të Kushtetutës dhe të nenit 5, të ligjit nr.107/2016, “Për prefektin e qarkut”, me propozimin e ministrit të Brendshëm, Këshilli i Ministrave
V E N D O S I:
1. Z. Ali Hallaçi, prefekt i Qarkut Kukës, lirohet nga kjo detyrë.
2. Z. Albert Halilaj emërohet prefekt i Qarkut Kukës”, thuhet në vendim.
Ky vendim hyn në fuqi menjëherë dhe botohet në “Fletoren zyrtare”.
SI.E.//ReportTv.alKomente
Nazmi Hallaçi doganes me hajdut se gjithe Hallaçt nashke
Përgjigju