Kreu i PSD-së, Dardan Molliqaj, dhe aktivistët e tjerë të kësaj partie që u arrestuan sot pas aksionit për pengimin e konferencës së kryetares së Gjykatës Speciale, Ekaterina Trëndafilova, janë liruar.
“Rreth orës 10:00 është pranuar informata për një aktivitet të paparalajmëruar nga një grup personash, të ndodhur në rrugën “Agim Ramadani” në Prishtinë. Veprimet që kanë karakterizuar këtë aktivitet kanë determinuar reagimin policor dhe për rrjedhojë pesë nga këta persona janë shoqëruar në stacionin policor. Hetuesit policor të udhëhequr nga prokurori i shtetit kanë kryer veprimet preliminare hetimore me qëllim të sqarimit dhe ndriçimit të plotë të rrethanave që kanë karakterizuar ngjarjen”, ka deklaruar Borovci.
Borovci deklaroi se të gjithë aktivistët e arrestuar sot nga policia, janë liruar në procedurë të rregullt.
Lajmi kryesor:
Protestë kundër konferencës së kryetares së Gjykatës Speciale! Arrestohet kreu i PSD në Kosovë, fotot teksa prangoset në tokë i gjakosur! Lihet i lirë pas disa orësh
M.Q./ReportTv.al