Shqipëria ka Rita Petron si kandidate për “Çmimin Europian të Letërsisë për 2024-ën”. Për romanin “Lindur së prapthi”, shkrimtarja është përzgjedhur nga një komision i ngritur nga Qendra Kombëtare e Librit dhe Leximit, i përbërë nga shkrimtarja Mimoza Ahmeti, studiuesja dhe pedagogia Elsa Skënderi dhe gazetari Aleksandër Çipa.
13 kandidaturat e ÇBEL për këtë vit janë:
• Shqipëria: Rita Petro, Lindur së prapthi
• Bullgaria: Todor Todorov, Хагабула
• Danimarka: Theis Ørntoft, Jordisk
• Gjermania: Deniz Utlu, Vaters Meer
• Hungaria: Puskás Panni, Megmenteni bárkit
• Islanda: María Elísabet Bragadóttir, Sápufuglinn
• Letonia: Daina Tabūna, Raganas
• Malta: Aleks Farrugia, Ir-Re Borg
• Holanda: Sholeh Rezazadeh, Ik ken een berg die op me ëacht
• Portugalia: Gabriela Ruivo, Lei da gravidade
• Serbia: Bojan Krivokapić, Vila Fazanka
• Sllovenia: Tina Vrščaj, Na klancu
• Tunizia: Arbia Braham, Jebel El Milh
Pasi të shqyrtohen të gjitha kandidaturat nga 7 anëtarët e jurisë, 5 çmimet do të ndahen pasditen e 4 prillit në Panairin e Librit në Place de l’Europe, në Bruksel. Të gjithë autorët e kandiduar do të promovohen vazhdimisht në skenën evropiane.
Çmimi i Bashkimit Evropian për Letërsinë (EUPL), i mbështetur nga programi Creative Europe i Bashkimit Evropian, është një iniciativë vjetore për të njohur shkrimtarët më të mirë të letërsisë në zhvillim në Evropë.
A.D/ReportTv.al