Qyteti me tradita e histori i Libohovës u gjallërua nga grupet polifonike që mbërritën nga trevat e Jugut.
Për dy net me radhë u mbajt Festivali Tipologjik i Polifonisë, në edicionin e tij të XV-të.
Në skenën e festivalit, grupet polifonike sollën krijimet më të mira te trevave që përfaqësojnë, si vlerë e Trashëgimisë Kulturore Botërore të UNESCO-s.
“Për Libohoven e libohoviteve, per Libohoven e Avni Rustemit do të sjelle dy këngë epike. Nje këngë për Avni Rustemin dhe një këngë humoristike”,- është shprehur Guri Rrokaj këngëtar nga Mallakastra, i cili ishte pjesë e festivalit.
“Grupi polifonik i Himarës prej 4 dekadash përfaqëson me dinjitet polifoninë himariote”,- ka deklaruar Katina Beleri, këngëtare nga Himara, po ashtu pjesëmarrëse në festival.
Festivali u mbyll mbrëmjen e 6 dhjetorit duke demonstruar edhe një herë larminë e këngëve folklorike dhe kostumeve popullore të Jugut.
K.M//ReportTv.al