Sokol Kushta, legjenda e Flamurtarit të viteve 80 të ka marrë sot titullin Qytetar nderi i Vlorës, një titull i akorduar një vit më parë nga këshilli bashkiak i Vlorës. Në ceremoninë nderuese njerëz të shquar të sportit shqiptar, familjarë dhe miq të spotitistit vlonjat si dhe deputetë të Vlorës. Aktiviteti është çelur me himnin kombëtar, ndërsa në ekran është shfaqur jeta sportive e Kushtës, ku u evidentua aktiviteti sportiv brenda dhe jashtë vendit. Ka përshëndetur takimin nderues, kompozitori Shpëtim Kushta, familjar i sportistit si dhe Todi Driza, mjeshtër i madh sporti, ndërsa për gazetarin sportiv Ervin Baku, Kushta hyn tek njerëzit që nderojnë titujt.
Vlerësime për shokun e ekipit edhe uy bënë edhe nga ish kapiteni i Flamurtarit Kreshnik Cipi. Për kreun e FSHF Armand Duka, Sokol Kushta është pjesë e yllësisë së futbollit shqiptar, ndërsa i ka dhënë atij fanellën legjendare me numrin 7.
Migena Balla, kryetarja e Këshillit Bashkiak të Vlorës i ka dorëzuar Sokol Kushtës titullin "Qytetar Nderi", i Vlores,me motivacionin “Për mjeshtëri të lartë sportive dhe kontribut të madh për ngritjen në majat më të larta të klubit sportive të Flamurtarit dhe ekipit kombëtar të futbollit”, duke u kthyer në emblemë dhe shembull frymëzimi për sportistët dhe brezat e rinj.
B.V/ReportTv.al