Sikurse bën me dije shefi i ekzekutivit, projekti do të vijojë në bashkinë e Dibrës.
“Sot dhe nesër qeveria në Dibër, vendime, projekte, bashkëqeverisje me njerëzit dhe punë e durim për Dibrën që duam, për Shqipërinë që duam”, shkruan Rama në Twitter.
Dibra është një zonë e nxehtë elektorale për socialistët, të cilët e rifituan bashkinë, pavarësisht skandalit seksual të ish-kryebashkiakut Shukri Xhelili.
Kohët e fundit, deputetja e PDIU-së Reme Lala, ka sulmuar kryebashkiakun Muharem Rama për korrupsion, duke nisur kështu një betejë të parakohshme elektorale me aleatët apo ish-aleatët e PS (në fakt marrëdhënia mes dy partive jo gjithnjë është shumë e kristaltë).
Pas një mbledhjeje të ngjashme në Vlorë, Dibra është e dyta në radhë, ku gjithsesi qeverisë do t’i duhet të përballet me çështjen delikate të nisjes së punimeve të Rrugës së Arbrit, gjë e cila duket se është ende në “kalendat greke”.
s.k/Shqiptarja.com