Mijëra persona u mblodhën Enjten për varrimin e 19 –vjeçares nga Mianmari e cila u qëllua për vdekje gjatë protestave të Mianmarit kundër grushtit të shtetit një ditë më parë.
Kyal Sin, e njohur si Angel, në momentin që vdiq kishte veshur një bluzë në të cilën ishte e printuar thënia "Gjithçka do të jetë në rregull". Qytetarët kënduan këngë revolucionare dhe brohorisnin parulla anti-grusht shteti.
E vetëdijshme për rreziqet e pjesëmarrjes në protesta, ajo kishte shkruar grupin e saj të gjakut në Facebook dhe kishte kërkuar që organet e trupit të saj të dhuroheshin në rast të vdekjes.
Për të renë janë shpërndarë edhe mijëra mesazhe online, duke e quajtur një "hero".
Që prej grushtit të shtetit ushtarak të 1 Shkurtit, Mianmar është përfshirë nga protestat që kërkojnë lirimin e udhëheqësve të zgjedhur të ndaluar.
Më shumë se 54 njerëz kanë vdekur që nga fillimi i protestave, sipas Zyrës së Kombeve të Bashkuara për të Drejtat e Njeriut, megjithëse raporte të tjera raportojnë të dhëna edhe më shqetësuese.
//ReportTv.al
