Për të disatën herë rradhazi, Kreyministri I Kosovës Albin Kurti ka theksuar se Kosova nuk mund të ketë Asociacion mbi baza etnike, pasi sipas tij, kërkesat për Asociacion një etnik nuk po vijnë nga njerëz të thjeshtë, por nga politikanët e fqinjët veriorë.
Komentet e Kurti vijnë pas deklaratës të ambasadorit amerikan në Kosovë, Philip Kosnett, i cili tha të mërkurën se Kosova e ka detyrim të themelojë Asociacionin e komunave me shumicë serbe.
“Nuk mendoj që është e mundur në rendin juridik dhe kushtetues të Kosovës të ketë Asociacion mbi baza etnike. Mund të ketë Asociacion të komunave mbi baza zhvillimore, mund të ketë mbi baza gjeografike. Ta zëmë Asociacion të bjeshkëve të Rugovës, të Maleve të Sharrit ose të Lumit Lepenc. Por Asociacion mbi bazë etnike nuk mund të kalojë as sa i përket frymës e as germës së Kushtetutës së Kosovës”, ka thënë kryeministri Kurti për agjencinë e lajmeve Kosovapress.
Sipas tij, vendimi i Gjykatës Kushtetuese, i publikuar me 23 dhjetor të vitit 2015, ka konstatuar se nuk mund të krijohet një Asociacion i tillë.
Të mërkurën, më 17 qershor, ambasadori amerikan në Prishtinë, Philip Kosnett ka deklaruar se “Shtetet e Bashkuara besojnë se Kosova e ka detyrim të formojë Asociacionin e komunave me shumicë serbe”.
Në vitin 2013, në kuadër të dialogut për normalizimin e marrëdhënieve, Kosova dhe Serbia kanë arritur marrëveshje për formimin e Asociacionit të komunave me shumicë serbe në Kosovë.
Në vitin 2015, dy vendet, nën ndërmjetësimin e BE-së, kanë arritur edhe një marrëveshje shtesë për themelimin e tij.
Por, Gjykata Kushtetuese e Kosovës ka konstatuar se parimet për të nuk janë në përputhje me Kushtetutën e Kosovës, edhe pse ka thënë se ato mund të harmonizohen me një akt ligjor të Qeverisë së Kosovës.
Komente
A do te ishte dakord amb.amerikan qe ne Texas e Arizona te krijoheshin asosacione komunash me shumice meksikanesh e latinesh ? Kur te lejohen atje,atehere mund te kerkoje te krijohen dhe ne Kosove ato serbe.Por ka nje ndryshim,meksikanet e Texasit,duan SH.B.A,nuk enderrojne Meksiken,sic enderrojne Serbine,serbet e Mitrovices etj.
Përgjigju