Një 40 vjeçar ka rënë në prangat e policisë në fshatin Tregtan pasi është kapur në flagrancë duke kultivuar kanabis.
Sajmir Qerkezi akuzohet si kultivuesi i bimëve narkotike ndërkohë nën hetim është vënë edhe Xhem Bokçiu me detyrë kryeplak i fshatit pasi akuzohet për shpërdorim detyre.
Gjatë kontrollit të territorit, forcat blu gjetën bimën e kultivuara në vendin e quajtur "Përroi i lagjes Qerkez".
Ende po punohet për identifikimin e personave të tjerë të përfshirë në këtë veprimtari ndërkohë materialet procedurale i ka kanë kaluar Prokurorisë së Rrethit Gjyqësor Kukës për veprime të mëtejshme.
Vijojnë kontrollet intensive për parandalimin, evidentimin dhe goditjen e tentativës për kultivim të bimëve narkotike në terren të hapur dhe në terren të mbyllur.
E.K/ReportTv.al