Teksa kontrollet për parandalimin, evidentimin dhe goditjen e kultivimit të bimëve narkotike vijojnë, policia e Kukësit ka ndaluar një person ndërsa janë proceduar në gjendje të lirë edhe 2 vëllezërit e tij, pas dyshimeve se janë përfshirë në këtë veprimtari kriminale.
Policia e Kukësit ka bërë ndalimin e 23-vjeçarit Veri Markaj, banues në fshatin Vrrij, pasi më datë 19.08.2021, gjatë kontrollit të territorit e vendit është evidentuar një rast i tentativës për kultivim të bimëve narkotike, ku nga hetimet dyshohet autori është pikërisht ky person.
Gjithashtu, në gjendje të lirë po hetohet edhe dy vëllezërit e tij, M.M., dhe Y. M., për përfshirjen e tyre në këtë aktivitet kriminal.
Materialet i kaluan Prokurorisë së Rrethit Gjyqësor Kukës, për veprat penale "Kultivimi i bimëve narkotike" dhe "Moskallëzimi i krimit".
J.GJ./ReportTv.al