Ministri i Jashtëm i Ukrainës Dmytro Kuleba tha të dielën se do të ishte "jashtëzakonisht e vështirë" të mendohej për negociatat me Rusinë, pas sulmit raketor në qytetin lindor të Kramatorsk dhe mizorive të kryera në qytetin e Bucha.
“Është jashtëzakonisht e vështirë të mendosh të ulesh me njerëz që kryejnë ose gjejnë justifikime për të gjitha këto mizori dhe krime lufte, të cilët i kanë shkaktuar një dëm kaq të tmerrshëm Ukrainës”, tha Kuleba në një intervistë për NBC-në në “Meet the Press”.
"Por unë e kuptoj një gjë, nëse të ulemi me rusët do të më ndihmojë të parandaloj të paktën një masakër, si në Bucha, ose të paktën një sulm tjetër në Kramatorsk, e duhet ta shfrytëzoj këtë mundësi," shtoi ai.
Të paktën 52 njerëz vdiqën të premten, duke përfshirë fëmijë, dhe dhjetëra u plagosën, pasi forcat ruse kryen një sulm me raketa në një stacion hekurudhor në Kramatorsk, ndërsa civilët po përpiqeshin të largoheshin nga luftimet.
Lajmi kryesor:
Kolona ushtarake ruse prej 12 km drejt Kharkiv! SHBA: Urdhri për të vrarë civilë, nga Putin! Kuleba: Gjermania e Franca s’lejuan anëtarësimin e Ukrainës në NATO në 2008, sot vuajmë pasojat
G.B./ReportTv.al