“Është koha e një marrëveshje mes Kosovës dhe Serbisë”, ka deklaruar presidenti i Kosovës Hashim Thaçi, i cili ndodhet në një vizitë zyrtare në kryqytetin bjellorus në Minsk.
Këtë të mërkurë, Kreu i shtetit të Kosovës Hashim Thaçi mori pjesë në punimet për Konferencën e Sigurisë së Munihut ku ka folur sërisht për çështjen e arritjes së një marrëveshje përfundimtare mes Prishtinës dhe Beogradit, mundësi kjo që sipas tij do t’i hapte rrugën “njohjes së dyanshme” mes dy shteteve.
Përmes një statusi në rrjetin social Facebook presidenti Hashim Thaçi thotë se gjatë vizitës së tij u ka shprehur bjellorusëve dhe ndërkombëtarëve pjesëmarrës optimizmin e tij, se dialogu Kosovë -Serbi duhet të vazhdojë. Sipas Thaçit , arritja e marrëveshjes mes dy vëndeve është e obligueshme ndërkombëtarisht dhe ajo duhet të jetë gjithëpërfshirëse për tí dhënë fund njëherë e mirë konfliktit mes dy vëndeve.
Postimi në Facebook i Presidentit Thaçi
Lidershipi në Kosovë dhe Serbi e dëshiron një marrëveshje të tillë, SHBA-ja dhe BE-ja e dëshirojnë dhe po punojnë drejt arritjes së kësaj marrëveshjeje dhe, tani, pa hamendje, të gjithë duhet të lëvizim përpara.
Presidenti i Kosovës, Hashim Thaçi
Presidenti Thaçi, i cili udhëheq bisedimet me Serbinë, me ndërmjetësimin e Bashkimit Evropian vazhdon t'í qëndrojë idesë për korrigjim të mundshëm të kufijve mes Kosovës dhe Serbisë, ide kjo e kundërshtuar fort nga opozita në Kosovë, por edhe nga kryeministri Ramush Haradinaj, i cili vazhdimisht ka paralajmëruar se lëvizja e kufijve mund të bëhet vetëm me luftë.
//ReportTv.al