BRITANI E MADHE- Shqiptari, Ylber Dajci është dënuar ditën e djeshme nga një gjykatë në Angli me 25 muaj burg, pra dy vite e një muaj heqje lirie nën akuzën se kishte kthyer ish-zyrat e punës në ‘fabrikë kanabisi’ që kapte vlerën e 2 milionë paundëve.
Më shumë se 2300 bimë u gjetën në 2 katet e ndërtesës së pashfrytëzuar më parë në Eastgate Street, Gloucester, të hënën.
Ndërkohë pritet ekstradimi 42 vjeçarit drejt Shqipërisë, në kuadër të marrëveshjes që kanë 2 vendet për ekstradimin e të burgosurve që do të vuajnë dënimin e mbetur në vendin tonë.
Si u zbulua ‘ferma e kanabisit’?
Ishte një operacion rutinë që e çoi policinë e Gloucester-it në dyert e një ndërtese të thjeshtë. Brenda, saj u zbulua një ‘xhungël e vërtetë ‘me bimë kanabisi dhe llamba elektrike për rritjen e tyre. Policia u informua nga banorët përreth për erën që vinte nga katet e sipërme të ndërtesës që kishte shërbyer më parë si ish-magazinë. Njëkohëisht rridhte edhe ujë. Policia zbuloi ‘fermën e kanabisit’ në gusht të vitit të kaluar, ndërsa arrestimi i shqiptarit u bë ditë më pas.
B.V/ReportTv.al