Referuar deklaratave të SHBA dhe BE se Llallës nuk duhet t’i zgjatet mandati, por të zgjidhet një Kryeprokuror i ri, përmes një statusi në Facebook, shefi i qeverisë i kërkon Bashës që të ulen dhe të zgjidhin ngërçin. “LB mos prit të ta lexojnë të huajt Kushtetutën e vendit po eja të flasim shqip për Shqipërinë, siç e kemi për detyrë nga ata që na zgjodhën” shkruan Rama.
Ftesa e dytë e Ramës erdhi pas refuzimit të Bashës të ftesës së parë për t’u ulur në bisedime. Paraditen e stome Lulzim Basha nëpërmjet një letre dërguar kryetarit të Kuvendit, deklaroi se Kushtetuta e thotë qartë se mbarimi i mandatit të Prokurorit të Përgjithshëm nuk konstatohet nga Kuvendi i Shqipërisë, por vetëm nga Këshilli i Lartë i Prokurorisë.
Për këtë arsye, PD vlerëson se deri në ngritjen e KLP-së dhe plotësimit të boshllëkut kushtetues dhe ligjor është e pamundur që Kuvendi të marrë kompetencën e një institucioni të pavarur të drejtësisë.
dy.b/shqiptarja.com