Kryeministri ukrainas, Denys Shmyhal mbërriti në Berlin më 3 shtator për bisedime me kancelarin gjerman Olaf Scholz, duke u bërë zyrtari i parë ukrainas i rangut më të lartë që viziton Gjermaninë në disa muaj.
Vizita sinjalizon fundin e tensioneve midis dy vendeve, pasi Kievi ka kritikuar Berlinin në të kaluarën se nuk ka dhënë ndihmë të mjaftueshme në luftën e Ukrainës kundër pushtimit rus. Scholz vizitoi Kievin në qershor, dhe dërgesat e armëve për vendin janë rritur që atëherë.
“Gjermania ka bërë përparim të madh në mbështetjen e saj të Ukrainës me armë”, tha Shmyhal për mediat gjermane para udhëtimit.
Ai shtoi se Kievi ka nevojë për më shumë armë, veçanërisht për "tanke luftarake moderne" si Leopard 2 i Gjermanisë. Shymhal tha gjithashtu se vendi i tij ishte i përgatitur të furnizonte Gjermaninë me energji elektrike për të ndihmuar ekonominë më të madhe të Evropës të reduktojë varësinë e saj nga importet ruse të energjisë.
Lajmi kryesor:
Lufta Ukrainë-Rusi, Zelensky: Moska, sulm vendimtar mbi energjinë kundër evropianëve! Peskov: Një stuhi e madhe globale do të fillojë
D.GJ/ReportTv.al