Teksa e gjithë vëmendja është tek takimi i kryeministrave të Ballkanit i cili do mbahet në Budva të Malit të Zi, kryeministri i Kosoves Ramush Haradinaj ka vizituar Shkodrën nga ku ka deklaruar transformimin e Forcave të Sigurisë së Kosovës në ushtri dhe kjo sipas tij po ndodh me mbështetjen e aleatëve dhe partnerëve të tjerë.
Sa i përket pyetjes lidhur me politiken konfliktuale brenda Kosoves, por dhe deklaratat e Daçiç, kryeministri i Kosovës ka hezituar të përgjigjet.
Ndërkohë Haradinaj ka vlerësuar Shkodrën dhe kryetaren e bashkisë për vlerësimin që i bënë në kohën kur ishte i ndaluar nga gjykata e Hagës.
Vizitën e Haradinajt e përshëndeti edhe kryetarja e bashkisë Voltana Ademi.
Haradinaj së bashku me kryebashkiaken Ademi vendosen kurora me lule pranë heroit kombëtar Isa Boletini, tek memoriali i vendosur prej vitesh në Shkodër. Ndërsa më pas Haradinaj ka vizituar edhe muzeun Kombëtar Marubi.
//ReportTv.al