Kosova ka dënuar sulmin me 300 raketa e dronë të Iranit ndaj Izraelit. Kryeministri i Kosovës, Albin Kurti në një postim në rrjetet sociale shkruan se ky sulm përbën një rrezik të madh për destabilzimin e gjithë rajonit.
“Unë dënoj sulmin e fundit të Iranit ndaj Izraelit. Ky akt i paprecedentë përbën një rrezik të madh për destabilizimin e të gjithë rajonit”, ka shkruar ai në platformën X.
Kurti ka shtuar se bota duhet t’i japë përparësi përfundimit të armiqësive dhe nxitjes së paqes së qëndrueshme. Sulmi u dënua edhe nga presidentja Vjosa Osmani.
Vjosa Osmani
Presidentja e Kosovës, Vjosa Osmani, ka dënuar sulmin e Iranit me dronë e raketa ndaj Izraelit.
Përmes një postimi në rrjetin social “X”, Osmani shprehet se Kosova i bashkohet aleatëve për të dënuar sulmin iranian.
Ajo ka thënë se ky sulm çon në përshkallëzim të madh dhe paqendrueshmëri në rajon dhe më gjerë.
“Kosova i bashkohet aleatëve në mbarë botën për të dënuar sulmin e Iranit kundër Izraelit. Ky përshkallëzim i madh po çon në paqëndrueshmëri të paprecedentë në rajon dhe më gjerë, me jetë të pafajshme që mbajnë peshën e saj shkatërruese.” – ka shkruar ajo.
“Përpjekjet për paqe duhet të mbizotërojnë.” – ka bërë thirrje Osmani.
Kosovo joins allies around the world in condemning Iran's attack against Israel.
— Vjosa Osmani (@VjosaOsmaniPRKS) April 14, 2024
This major escalation is leading to unprecedented instability in the region and beyond, with innocent lives bearing the brunt of its devastating toll.
Peace efforts must prevail.
