Si bashkëshorte, si qytetare, por jo si kryetare e një partie opozitare, Monika Kryemadhi doli sot në shesh në mbështetje të tubimit të thirrur nga presidenti Meta. Teksa kreu i shtetit mbante fjalim në podiumin e ngritur përballë presidencës, Kryemadhi qëndroi e distancuar, megjithatë kamerat e Report Tv e filmuan teksa ishte shumë entuziaste dhe me flamurin kuqezi në dorë mbështeste totalisht atë se çfarë Meta thoshte.
"E vetmja gjë që duhet të them që pjesëmarrja e jashtëzakonshëm është surpriza më e madhe. Parlamentin e shpërndau populli sot, mjafton që të dëgjoje brohorimat e shqiptarëve", tha ajo në përfundim të tubimit.
Në këtë tubim, figura kryesore ishte vetëm presidenti Ilir Meta, ndërsa opozitarët qëndruan në hije.
Lajmi kryesor:
2 orë tubim/ Meta: Pas 15 marsit firmos shpërndarjen e parlamentit!...Kërcënon të mësyjë Kuvendin nëse 'dekreti nuk merret seriozisht' (VIDEO)
B.K.//ReportTv.al