Një 31-vjeçar është arrestuar në Krujë, pasi përshtati një ambient pranë shtëpisë së tij, për tharjen e bimëve narkotike. I përfshirë në këtë rast, është edhe një 16-vjeçar nga Fushë-Kruja, i cili u vu nën hetim, ndërsa një tjetër është shpallur në kërkim.
A. M., 31 vjeç, banues në Domje, kishte përshtatur një ambient në fshatin Mafsheq të Krujës, për tharjen e disa bimëve kanabis, të cilat në total përbënin 11 kg të lëndës narkotike.
Bashkë me 31-vjeçarin u kap edhe një 16-vjeçar nga Fushë Kruja, i cili u la nën hetim në gjendje të lirë nga blutë e Tiranës.
Ndërsa në kërkim u shpall O. C., 20 vjeç, gjithashtu banues në Fushë Krujë.
Gjatë kontrollit në këtë ambient, uniformat blu gjetën rreth 11 kg kanabis dhe disa bimë në proces tharjeje, të cilat u sekuestruan në cilësinë e provës materiale, së bashku me 1 armë zjarri, që u gjet e fshehur.
Materialet procedurale i kaluan Prokurorisë Tiranë, për veprime të mëtejshme.
M.T//ReportTv.al