Teksa në Vjenë 55 përfaqësuesit e vendeve anëtare të OSBE po zhvillojnë një mbledhje të posaçme e Këshillit të Përhershëm të OSBE- së për situatën në Bjellorusi, thirrje për ndërhyrjen e tyre kanë ardhur edhe nga kryeqyteti Minsk këtë të premte.
Janë shoqatat e Gazetarëve të Bjellorusisë të cilët kërkojnë që një mision i OSBE-së është i nevojshëm urgjentisht.
“Ne i bëjmë përsëri thirrje shteteve anëtare të OSBE-së që të aktivizojnë të ashtuquajturin Mekanizmin e Moskës në mënyrë që të lejojë dërgimin e këtij misioni ndërkombëtar."
Kjo kërkesë vjen teksa ditën e enjte, Federata Europiane e Gazetarëve njoftoi se policia bjelloruse arrestoi 47 gazetarë, mes të cilëve edhe të huaj, të cilët mbulonin mediatikisht protestën e organizuar nga opozita. Policia konfiskoi gjithashtu telefonat dhe dokumentet e tyre të identitetit.
Federata Europiane e Gazetarëve i konsideron këto ndalime arbitrare dhe një akt tjetër censurimi nga autoritetet e Bjellorusisë kurse Ministria Brendshme në vend më vonë mohoi që gazetarët ishin ndaluar. Ajo tha që gazetarët ishin dërguar në Departamentin e Punëve të Brendshme për të kontrolluar nëse kishin akreditim të vlefshëm për të mbuluar situatën.
Shoqata e Gazetarëve Bjellorusë (BAJ) ka përpiluar gjithashtu një listë të gazetarëve të arrestuar në mënyrë arbitrare.
Presidenti i EFJ Mogens Blicher Bjerregård, i quajti kontrollet e akreditimit si pretendim për të ndaluar gazetarët të raportonin mbi protestat masive kundër manipulimit zgjedhor dhe dhunës policore dhe u shpreh se është koha e duhur që bashkësia ndërkombëtare të reagojë.
Vala e zemërimit në Bjellorusi shpërtheu qëkur Komisioni Qendror Zgjedhor shpalli president me 80 % të votave Lukashenkon i cili është në pushtet prej vitit 1994. Për opozitën zgjedhjet ishin të manipuluar dhe njerëzit dolën në rrugë duke kërkuar dorëheqjen e tij.
//ReportTv.alKomente
Eshte rasti per te bere me te miren . Eksperiencat aktuale ne politiken shqipetare jane skandaloze . Ndaj, mendoj se pergjegjesit e perzgjedhjes se kandidateve nuk do bejne te perseriten gabimet. Perpara PD !
Përgjigju