Adrian Çela administratori i OSHEE-së, ka ironizuar akuzat e kreut të PD-së, Lulzim Basha në lidhje me krizën e energjisë në vendin tonë. Komenti i tij vjen, pasi Partia Demokratike pritet t’i drejtohet brenda javës Prokurorisë së Posaçme SPAK për të depozituar padinë penale për tri tenderët e fundit të blerës së energjisë. Sipas Bashës nuk ka një krizë energjie, por ka krizë, korrupsioni dhe keqmenaxhimi. Çela tha se kjo është një krizë botërore dhe se vendi jonë nuk është i shkëputur.
“Nuk kam asnjë koment për Bashën, unë fle gjumë kur flet zoti Basha, janë gjëra që s’janë as në qiell as në tokë. Gjithë këto ditë krizë menaxhimi, krizë korrupsioni. Duhet të biem dakord a ka krizë botërore energjike apo jo. Vende më të fuqishme se Shqipëria, Gjermania e tij, nëse ato janë të shkëputura nga ky realitet është tjetër diskutim. Edhe ne jemi pjesë e kësaj bote”, tha ai.
Çela po ashtu ka numëruar disa prej arsyeve që aktualisht ka një krizë energjetike në të gjithë botën dhe jo vetëm në vendin tonë.
“Arsyet janë shpjeguar, por po e them shkurt. 10% e energjisë prodhohet nga eloikët në Evropë. Parqet e mëdha kanë prodhuar 50% më pak, sepse era është më e dobët se 20 vitet e fundit. Tjetër janë politikat për energjinë e pastër, mbyllja e centraleve nukelare, masat s’u bënë në mënyrën e duhur, kërkesa pas pandemisë, dimri i fortë i vitit të kaluar që ezauroi gazin në botë. Janë disa faktorë, janë fakte nuk mund t’i mohojmë. Deri para një jave kishim kufizimin në Kinë. Në blackout është Libani, në vende të tjera është rrija tarifave çmimeve. Këtu kam dëgjuar përralla”, tha ai.
Sipas Çelës, ka një krizë në vendin tonë sepse kërkesa është më e madhe se oferta.
M.Q./ReportTv.al“Ne e prodhojmë energjinë hidro, por nuk do të thotë që nuk jemi importues energjie. Kemi një cikël prodhimi energjie. Nëse e marrim nga janari në dhjetor nuk të garantojnë 6 mujorin. Ne gjithmonë kemi importuar në periudha të ndryshme. Nga vjeshta dhe deri në rifillimin e reshjeve ne importojmë. Po të shohim sasitë e importit janë 1.3 terra, mW. Kërkesa është më e madhe se oferta. Kur kërkesa është më e madhe se oferta ka krizë, krizë çmimi dhe disponibiliteti”, u shpreh Çela në Open.
Komente
Kurse ti me koken si fushe aeroplani po na flet mrekullira.......
Përgjigju