"Dhurata nga zemra" është tema e Krishtlindjeve të para të Presidentit të SHBA Joe Biden në Shtëpinë e Bardhë.
“Gjërat që i ne i konsiderojmë të shenjta janë ato që na bashkojnë dhe falë tyre kapërcejmë distancën, kohën, madje edhe kufizimet e një pandemie. Besimi, familja, miqësia, dashuria për artin dhe natyra, sigurisht edhe mirënjohja, uniteti dhe paqja. Këto janë dhuratat që lidhin së bashku kuptimin e jetës tonë,” shkruan çifti Biden.
Dritat, ngjyrat dhe stolitë i kanë dhënë Shtëpisë së Bardhë një atmosferë tepër festive.
Çdo dhomë në Shtëpinë e Bardhë feston një dhuratë të ndryshme
- Biblioteka është e zbukuruar me pirgje librash, zogj dhe flutura të krijuara nga gazeta e ricikluar. Ajo përfaqëson dhuratën e të mësuarit
- Dhoma Vermeil është e zbukuruar me ngjyra dhe penela shumëngjyrëshe dhe përfaqëson dhuratën e arteve pamore.
- Dhoma Blu, ku qëndron pema zyrtare e Krishtlindjes e Shtëpisë së Bardhë, përfaqëson dhuratën e paqes dhe unitetit. Pëllumbat që mbajnë një banderolë të ngulitur me çdo shtet dhe territor të SHBA-së bien poshtë pemës.
- Dhoma e Kuqe, është dekoruar për të përfaqësuar dhuratën e arteve skenike.
- Dhoma e ngrënies përfaqëson dhuratën e familjes.
- Grand Foyer dhe Salla e Kryqit përfaqësojnë dhuratën e besimit dhe komunitetit.
Komento
