Një ngjarje e rëndë ka ndodhur ditën e djeshme në qytetin ‘Iconium’ të Turqisë ku një 54 vjeçar sirian ka vrarë me thikë dy vajzat e tij të mitura. Sipas informacioneve nga mediat e huaja, Yusuf al-Ahmed vrau me thikë 17-vjeçaren Kevsher dhe 15-vjeçaren Merveh, pas një konflikti që pati brenda shtëpisë.
54-vjeçari me origjinë nga Siria, menjëherë pas krimit të rëndë shkoi në Polici dhe u dorëzua.
Autori deklaroi në polici se e kishte kryer krimin e rëndë për çështje nderi dhe për pasojë ai kishte humbur kontrollin duke vrarë të dyja vajzat e tij të mitura.
Menjëherë ekipet e policisë janë nisur drejt banesës së familjes për të zbardhur vendin e krimit. Aty kanë gjetur trupat e pajetë të dy vajzave të mitura. Trupat e tyre u dërguan në morgun e spitalit për autopsi. Mësohet se në momentin e vrasjes mizore ndodheshin në shtëpi fëmija më i vogël dhe një i afërm i familjes, ndërsa nëna e vajzave mësohet se ishte zhdukur.
