Presidenti turk Rexhep Tajip Erdogan tha gjatë takimit që po zhvillohej në Soçi me homologun e tij rus Vladimir Putin se projekti për krijimin e një qendre gazi në Turqi do të ishte shumë i rëndësishëm për vendin.
“Një element tjetër domethënës për ne është krijimi i një qendre në Traki”, tha kreu turk.
"Ndërtimi i termocentralit bërthamor Akkuyu vazhdon, Turqia është bërë anëtare e klubit ndërkombëtar të shteteve bërthamore në kuptimin e plotë të fjalës pas dorëzimit të serisë së parë të karburantit bërthamor rus në Akkuyu. Vitin e ardhshëm, nëse gjithçka shkon sipas planeve do të nisim njësinë e parë”, tha presidenti rus Vladimir Putin kur hapi bisedimet e tij në Soçi me presidentin turk Rexhep Tajip Erdogan.
Sipas Alparslan Bayraktar, Ministër i Energjisë dhe Burimeve Natyrore të Rusisë, prodhimi i energjisë elektrike i njësisë së parë të centralit do të nisë më 29 tetor 2024, ndërsa reaktorët e tjerë do të vihen në punë në intervale vjetore.
Lajmi kryesor:
Lufta/ Takimi Putin-Erdogan, Moska e hapur për negociata mbi marrëveshjen e grurit! Putin: Jemi gati për t’iu ribashkuar marrëveshjes së grurit nëse Perëndimi respekton angazhimet e tij
M.T/ReportTv.al