Pas takimit me kryeministrin Rama, kreu i Sindikatës së Naftëtarëve, Sokol Dautaj deklaroi se pagat nuk u morën përsipër nga asnjëra palë por u prezantuan me një ofertë të re. Ai tha se Rama i ka ofruar një ndihmë financiare, një ofertë e cila do të bisedohet dhe me naftëtarët e tjerë e më pas të vendoset nëse do ta pranojnë.
"Nuk kemi dalë të kënaqur, është një vendim që do ta marrin të gjithë kolegët.Kryeministri ofroi sjelljen e një kompanie serioze për rafinerinë dhe një pagë. Gjithçka do të diskutohet me kolegët nëse bihet dakord apo jo. Vendimin e marrin 900 naftëtarë. Ne keni një pikë të panegociueshme, kërkojmë pagat tona. Shteti nuk merr përsëipër thotë, por rivendosjen në punë të rafinerisë dhe një pagë.Pagat nuk u morën përsipër. Takim të dytë do të ketë kur të merret vendimi" - tha Dautaj.
Lajmi kryesor:
Gratë dalin nga greva! Takim Rama me naftëtarët! Kreu i Sindikatës, Dautaj: Pagat nuk u morën përsipër nga asnjëra palë! Kryeministri: Do japim një ndihmë financiare (VIDEO)
E.M./ReportTv.al