Sipas kreut të OBSH-së Dr. Tedros Adhanom Ghebreyesus, pandemia e COVID-19 nuk do të jetë e fundit që do të kalojmë.
Ai e ka folur mbi këtë çështje në fjalimin virtual në Ditën Ndërkombëtare të Gatishmërisë për Epideminë, e cila dhe do të mbahet çdo vit nga Asambleja e Përgjithshme e Kombeve të Bashkuara.
Dr. Tedros tha, "Në 12 muajt e fundit, bota jonë është kthyer përmbys. Ndikimet e pandemisë shkojnë shumë përtej vetë sëmundjes, me pasoja të mëdha për shoqëritë dhe ekonomitë”. "Historia na tregon se kjo nuk do të jetë pandemia e fundit” shtoi kreu i OBSH-së.
Ai ka paralajmëruar të gjitha vendeve të investojnë në kapacitete për të parandaluar, zbuluar dhe zbutur emergjencat e të gjitha llojeve, edhe nëse do të jetë një tjetër pandemi globale qe do të na godas.
Në fund ai tha se bota duhet të mësojë nga e shkuara në mënyrë që të jetë më e përgatitur.
Aktualisht numri total i rasteve të infektimeve nga koronavirusi ka arritur 81,150,518, ndërkohë që numri i viktimave është 1,772,114 në të gjithë botën që nga fillimi i pandemisë. Ndërkohë vaksinimi ka nisur në shumë vende të botës, gjë që përbenë një arritje pas një viti “lufte” me COVUD-19.
J.GJ./ReportTv.al