TIRANË- Komisioni Qendror i Zgjedhjeve (KQZ) ka gjobitur ditën e sotme kryebashkiakun Erion Veliaj, pasi ka zhvilluar aktivitete që janë të ndaluara të bëhen 4 muaj para zgjedhjeve. Gjoba është në masën 75 mijë lekëve, 35 mijë lekë për mosraportim të aktiviteteve dhe 40 mijë lekë për promovim të aktiviteteve të ndaluara.
Ky vendim ka ardhur pas disa ankesave të LSI në KQZ në drejtim të Erion Veliaj, kryesisht për vizitat që bën në shtëpitë e rindërtuara nga tërmeti i 26 nëntorit. Shqiptarja.com mëson se LSI ka depozituar në datën 2 shkurt të këtij viti 3 denoncime, më konkretisht të vizitës në familjen Hamid dhe Genc Allmuces në Mumajes bërë në datën 12 janar, te shtëpia e Medi Agës, në Vaqarr më 27 janar dhe së fundmi në shtëpinë e Tomorrit, në Kryevidh të Rrogozhinës më 30 janar. Sipas LSI-së këto janë ‘veprimtari të ndaluara për t’u promovuar’, por pavarësisht kësaj, kryebashkiaku i ka shpërndarë me foto e video në rrjetet sociale, ndërkohë që as nuk i ka raportuar në KQZ. Kryebashkiaku i Tiranës ka të drejtën e akimimit për gjobën.
Që pas 18 dhjetorit, Komisioni Qendror i Zgjedhjeve ka kufizuar qeverinë dhe zyrtarët shtetërorë 4 muaj para zgjedhjeve ku ndalohet shpërndarja e lejeve të legalizimeve, dhurimi i çelësave të shtëpive dhe një sërë aktivitetesh që joshin elektoratin.
Aktivitetet e ndaluara
Dhurimi i çelësave të shtëpive
Prezantimi i projekteve
Shpërndarja e lejeve të legalizimeve
Prerja e shiritave
Kryetari i bashkisë Erion Veliaj ka reaguar pas gjobës nga Komisioni Qendror i Zgjedhjeve, pasi kishte zhvilluar aktivitete që janë të ndaluara të bëhen 4 muaj para zgjedhjeve.
Kryetari Veliaj reagim në Twitter: Shton 5 vila në pandemi, kandidon për KM. Shet nga 3 herë apartamentet me mashtrim, kandidon për deputete opozite. Por kur bën detyrën tënde sipas ligjit duke strehuar 17 familje që flinin në çadra, të gjobisin. Gjoba do apelohet, por puna në Tirane NUK ndalet nga gjumi!
Komente
Provoje nje here ne kurrizin tend, se i ke leshu policat e bashkise e nuk bejne gje tjeter vec gjoba makinave cdo dite..
Përgjigjueu, po pse dhe ne KQZ keta krricat LSI'st qenkan futur???? Po kur takohet ajo kucka e LSIse me ata trapat interesaxhinj, apo nuk quhet??? KQZ mos haj m*t po te gjobise qe te gjithe ose asnje!!!!!
Përgjigju