TIRANË- Kolegji i Posaçëm i Apelimit ka shkarkuar përfundimisht nga detyra prokurorin Hysni Vata. Vendimi është marrë ditën e sotme nga trupa gjykuese e përbërë nga nga Ardian Hajdari kryesues, Albana Shtylla relatore, Ina Rama, Natasha Mulaj, Rezarta Schuetz, duke lënë në fuqi vendimin e Komisionit të Pavarur të Kualifikimit (KPK) në shtator të 2019.
Nga hetimet ka rezultuar se nga analiza financiare Vata ka balancë negative dhe mungesë të burimeve të ligjshme për krijimin e pasurive.
Drejtoria e Sigurimit te Informacionit te Klasifikuar (DSIK) ka konstatuar papërshtatshmërinë e prokurorit Vata për vazhdimin e detyrës, ndërkohë që ONM i ka referuar Komisionit disa gjetje për hetimet e aksidenteve në punë në minierën e Bulqizës.
Pas shkarkimit të Hysni Vatës si drejtues i Prokurorisë së Rrethit Gjyqësor Mat, Këshilli i Lartë i Prokurorisë emëruar si zëvendës të tij prokurorin Abaz Muça. Ky i fundit u miratua në këtë pozicion si i përkohshëm dhe ka marrë 8 vota pro tij.
B.K./ReportTv.al