Një 44-vjeçar nga Elbasani mbeti i vdekur në Pejë si pasojë e një aksidenti rrugor më 24 prill që dyshohet të jetë i qëllimtë dhe për hakmarrje.
Ilir Osmani u përplas teksa ecte në këmbë nga një automjet tip Golf5 nga i dyshuari po nga Elbasani Sergio Jonuzi, 23 vjeç, i cili pavarësisht raportimit të parë për ngjarje aksidentale, u arrestua më tej nga policia e Kosovës.
I riu u largua nga vendngjarja dhe e kishte braktisur makinën në një vend tjetër, por policia arriti ta kapë pak pas aksidentit dhe tashmë do të hetohet për vrasje.
Sipas deklaratave të 23-vjeçarit ngjarja ka ndodhur për konflikte të mëparshme, për shkak se Osmani i ka djegur banesën, episod i cili nuk rezulton të jetë denoncuar në polici në Shqipëri.
M.Q./ReportTv.al
Komento
