Instituti i Kombëtar i Shëndetësisë Publike në Kosovë (IKSHPK), njofton se në 24 orët e fundit në Kosovë janë regjistruar shtatë raste të reja me koronavirus. Sipas të dhënave të IKSHPK-së, këto raste kanë rezultuar pas testimit të 1,011 mostrave.
Po ashtu sipas raportit të këtij instituti, në 24 orët e fundit janë shëruar edhe 10 pacientë. Aktualisht në Kosovë janë, 321 raste aktive me koronavirus. Sa i përket vaksinimit, brenda 24 orëve janë dhënë, 965 vaksina kundër koronavirusit.
Që nga fillimi i fushatës së vaksinimit në Kosovë në mars të këtij viti, në gjithë vendin janë dhënë, 1,644,35 doza të vaksinës. Deri të dielën më 12 dhjetor, të dy dozat e vaksinës i kanë marrë, 772,388 qytetarë.
Komento
