Në 24 orët e fundit në Kosovë janë regjistruar 11 raste të reja me koronavirus nga 1,498 testime të kryera.
Fatmirësisht, gjatë këtyre 24 orëve nuk është shënuar asnjë viktimë, ashtu si në ditën e fundit që nuk ka pasur asnjë rast fatal si pasojë e Covid-19.
16 qytetarë janë shëruar nga koronavirusi, kurse numri i përgjithshëm i të shëruarve është 157.605.
Sipas raportimit të autoriteteve shëndetësore në vend numri i rasteve aktive është 400. Në 24 orët e fundit janë dhënë 1.760 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.601.129 doza të vaksinës. Deri më sot 753.440 qytetarë janë vaksinuar me dozën e dytë.
Komento
