Presidentja e Kosovës, Vjosa Osmani ka reaguar ashpër ndaj disa portaleve të cilat e akuzuan se ka premtuar toka për Manastirin e Deçanit në shkëmbim të ftesës për Samitin për Demokracinë në SHBA.
Ajo shprehet se kjo është një gënjeshtër se do të ndërmarr masa për ngritjen e padisë ndaj tyre, duket shtuar se Kosova e ka merituar plotësisht ftesën pasi është demokraci.
Vjosa përmes rrjetit social Facebook, shkruan se koha e atyre politikanëve që hedhin në treg tokën e Kosovës ka perënduar njëherë e përgjithmonë.
Çfarë ka ndodhur me Kosovën dhe ftesën për Samitin e Demokracisë?
Në Samitin e Demokracisë, i cili është planifikuar të mbahet në datën 9 dhe 10 dhjetor virtualsiht do të marrin pjesë shtetet me demokraci të zhvilluar apo në zhvillim, shoqëria civile dhe sektori privat - pa specifikuar numrin e saktë të të ftuarve .
Ishte media amerikane Politico ajo që ka njoftuar se Shqipëria, Mali i Zi dhe Maqedonia e Veriut janë ftuar nga rajoni i Ballkanit Perëndimor, për dallim nga Serbia, Kosova dhe Bosnja e Hercegovina.
Ftesa në moment të fundit!
Burime nga administrata amerikane në Uashington kanë konfirmuar se Kosova do të ftohet në Samitin e Demokracisë, i cili organizohet nga presidenti amerikan Joseph Biden, në Uashington më 9 dhe 10 dhjetor.
Administrata amerikane e kishte informuar Presidenten Vjosa Osmani rreth ftesës pas takimeve që kishte ajo me përfaqësuesit e institucioneve amerikane, ku ishte diskutuar lidhur me këtë çështje.
J.GJ./ReportTv.al