Kosova njofton QUINT-in për bllokimin e qytetarëve në Serbi

17 Prill, 14:55| Përditesimi: 17 Prill, 15:00

  • Share

1679727760_Screenshot6.jpg

Në një reagim të ri, Ministria e Punëve të Jashtme e Kosovës, ka bërë të ditur se i ka njoftuar shtetet e QUINT-it (SHBA, Britani, Gjermani, Itali, e Francë) dhe institucionet e Bashkimit Evropian e të tjera, për bllokimin e qindra kosovarëve në pikëkalimet kufitare të Serbisë me shtetet tjera.

Siç bëhet e ditur në njoftim të MPJD-së, qytetarët janë ndaluar pos pikëkalimit me Kroacinë, edhe në pikëkalimet kufitare Serbi-Hungari dhe madje edhe në Dheun e Bardhë. 

“Qytetarët e Kosovës që po vinin në drejtim të Kosovës janë ndaluar edhe në kufirin me Hungarinë, në pikat kufitare në Shid dhe Suboticë, te vendkalimi kufitar Dheu i Bardhë dhe nuk po lejohen as të lëvizin përpara dhe as të kthehen pas. Për më tepër, të gjithë udhëtarëve u janë marrë dokumentet personale si dhe ato të autobusëve. Po ashtu, disa prej tyre janë marrë dhe po vazhdojnë të merren në pyetje. Pas veprimeve arbitrare të Serbisë, institucionet tona, Ministria e Punëve të Jashtme dhe Diasporës ka njoftuar shtetet e KUINT-it, Institucionet e BE-së dhe të tjera ndërkombëtare rreth kësaj situate dhe presim që kjo situatë të përfundojë shpejtë”, thuhet në njoftim.

MPJD-ja ka përsëritur apelin që shtetasit e Kosovës të mos kalojnë nëpër Serbi teksa e ka cilësuar veprimin e Serbisë si hakmarrës pas dështimit të përpjekjeve kundër votimit në Asamblenë Parlamentare të Këshillit të Evropës për anëtarësimin e Kosovës. 


Lajmi kryesor:

Serbia bllokoi për disa orë 300 qytetarë të Kosovës në kufi me Kroacinë dhe Hungarinë! Kurti: Po hakmerret për Këshillin e Evropës


M.Q./ReportTv.al
  • Sondazhi i ditës:

    A duhet miratuar rezoluta anti-korrupsion e propozuar nga PS?