Në Kosovë, numri i të infektuarve i ka kaluar 2 mijë. Sipas Institutit Kombëtar të Shëndetësisë Publike të Kosovës në 24 orët e fundit janë regjistruar 75 raste të reja me COVID-19.
“Rastet pozitive janë nga: komuna e Prishtinës 36 raste, komuna e Vushtrrisë 9 raste, komuna e Mitrovicës 7 raste, komuna e Prizrenit 5 raste, komuna e Fushë Kosovës 5 raste, komuna Skenderaj 4 raste, komuna Istog 3 raste, komuna Rahovec 2 raste dhe me nga 1 rast komunat: Gjakovë, Lipjan, Mamushë dhe Pejë”, ka njoftuar IKSHPK.
Instituti po ashtu ka bërë të ditur se janë shëruar edhe 38 persona të prekur nga koronavirusi.
Nisur nga shtimi i rasteve të fundit që në intensitet kanë kaluar muajin prill dhe ka raste te punëtorët e organizatave publike e private, IKSHPK i ka rekomanduar Ministrinë e Shëndetësisë të mbyllen sektorët ku ka raste pozitive dhe të gjitha rastet pozitive dhe kontaktet e tyre të mbahen në vetizolim, ndërsa thotë mbajtja e maskave mbetet detyrim.
